Tuesday, March 3, 2009

Donkey rides !

Image Hosted by ImageShack.us
Si keldai siku tu benama, Brosso.

Image Hosted by ImageShack.us
Keldai siku tu, ke benung diias ke Mlle Dorothee, benama Titan.

Image Hosted by ImageShack.us
Bejalai 'trekking' 3 jam kami menyanak di sempulang Brosso enggau Titan. Mereti endar jelu keldai tu dibai raun niki bukit laban udah dilatih ari biak.

Image Hosted by ImageShack.us
Sambil raun, sambil ngemata ke pemanah menua ditu. Sereta ngetu enda lama enggai ke keldai mogok!

Image Hosted by ImageShack.us
Typical french wineyard and village.

Image Hosted by ImageShack.us
Ladang pun buah zaitun. (Olives plantations)

Image Hosted by ImageShack.us
Closer view of the grape branches.

Image Hosted by ImageShack.us
Bunga babas.

Image Hosted by ImageShack.us
Manah endar bunga tu di gambar cara 'close-up'.

Tu meh siti cara ngelantang ati nembiak raun niki bukit, nepan jelu keldai. Di menua ke endur kemisi sekali tu mayuh alai urang empu menua nupi jelu keldai enggau kuda. Kena nambah ke penatai belanja sida, kena meli pemakai, ngintu kandang jelu tu, barang sapa ka, tau nyiwa keldai tauka kuda di bai raun 'trekking'. Bala aku sekali tu deka nguji nepan jelu keldai, enda kala ka seduai ia. Amat enda kala meh. Kala ninga cerita tusui urang, jelu keldai tu binking agi ari kuda. Engka amat enti enda dilatih ari mit. Brosso enggau Titan nya naka iya mereti. Semina anang ngelepas ke tali ke kena narit seduai ia, enggai ke rari. Ukai rari kini kini, ngiga rumput dipakai. Ka Dorothee (indu mem ke ngintu keldai tu), pantang enda diasuh suah ngetu makai rumput, enggai ke kelalu kenyang, enggai agi bejalai sida ia. Irau ga ati ke tu, enggai ke bemalam dalam babas ketegal keldai gentung perut laban kelalu makai rumput !! Puas endar ati raun enggau jelu keldai, tambah ari manah, rindu meda pemanah menua tu. Berasai luas serta lantang ati. Less stress, ka ribai.

5 comments:

  1. Amat manah endar ga hari tunga menoa nya neh. Enda tak gloomy baka ka dipansa kita ba rantau jalai!

    Mit donkey nya neh .. enggi ipar aku, mule ... kacukan kuda enggau donkey. Besai tubuh iya. Rindu kami nepan iya kutai tang mesti ka di-iring ipar aku .. nemu enggai ninga orders siko nya!

    ReplyDelete
  2. Amai rindu ati kita meda menua orang neh wai...rindu ndar meda gambar kitak:)..

    ReplyDelete
  3. Nepan Donkey? Mit amat gak jelu nya ari jelu kuda, kena narit ati pelancong. Keni nda asai nepan keldai neh.

    ReplyDelete
  4. rindu mai aku meda pic nuan..akaii ..bantai ka diak meh agik au..

    ReplyDelete
  5. Puteri,

    Seminggu kami din, semina sari aja enda berapo tang enda lama ujan beberis pagi aja. Udah nya, panas nyentuk ke ari kami pulai!

    Original jelu donkey endang mit tang tegap endar. Pama narit mai mindah ma ia udah ngetu enggai bejalai agi. Lama pedis jari udah nya!!


    Endun,

    Ukai enda enjoy agi. Agi belala !


    Cath,

    Enda aku nemu keni asai nepan donkey. Nepan kuda deh enda kala. Anang ngasuh nepan jelu baka tu, rawan ati ku ! Buyan iya ke endar...
    Mit donkey peda nuan ney. Semina ulih ngundan urang enda lebih ari 40 kg aja, retinya anak mit aja ulih nepan donkey tu. Lydia udah lebih 40 kg, nya alai iya, maya niki bukit, bejalai kaki, datai ba 'flat land' nepan donkey.


    Wai ibanlady,

    auk, agi mayuh gambar ka di bantai dia. coming soon..... :-))

    ReplyDelete