Sunday, March 15, 2009

Nanam bunga.

Naka ia manah dua ari beturut-turut tu udah. Penyelap pagi enda ulih kira, agi 4°C. Tang udah ngalih ari, baka saritu udah umbas ia angat, udah mangai 15°C. Ia ke endar nitih ke ba kalender, Spring time kena ari lima - 20/03/2009. Gaga ati, musim ke pemadu manah ari musim ke bukai. Rindu ati mega nyepi panas ngangat ke tubuh mimit. Aku lalu ngambi peluang belabuh nanam bunga. Pengelama udah kompaun rumah nadai udah ditegu, bisi 4 bulan tu udah nadai muai rumput, nyu enggai agi meda ga mata tu utai baka nya. Nyu ka jadi babas! Seari-ari tadi udah badu makai tengahari, aku ngiruh ke diri, nanam bunga ke udah dibeli minggu nyin kemari. Nya meh ketegal ari ke bedau iga manah minggu nyin keutai, lama dugau2 bala bunga tu ba atas mija di luar din, nyuka mansut ke urat ba atas mija da agi!


Image Hosted by ImageShack.us
Peninggi rumput ba mua rumah, laban ke lama enda dipantun rumput.

Image Hosted by ImageShack.us
Lembau meda penyai endur siti tu!

Image Hosted by ImageShack.us
Nyah tu ia udah di pantun rumput serta di kalih ke tanah...oups! Enda ingat ngambi gambar maya ke nyangkul tanah tadi....rindu ga mata meda bunga ari rumput!

Image Hosted by ImageShack.us
Bunga pansy enggau bunga primrose.

Image Hosted by ImageShack.us
Primrose mirah bepuak kuning.

Image Hosted by ImageShack.us
Primrose kuning.

Image Hosted by ImageShack.us
Pansy biru.

Image Hosted by ImageShack.us
Pansy kuning

Lemai pagila nyambung baru pengawa nanam bunga. Bedau abis rumput di pantun. Tambah enda ulih pantun enggau jari aja, deka di pasang injin rumput baru tembu. Nama pengawa kita deh wai, kena ngemansut ke peluh ujung minggu tadi?

NB : Sori, Bunga pansy biru enggau kuning enda ingat di bantai kemari.

11 comments:

  1. Rumput kami dia lembau aku ngenang. Nyu tebal. Ba California, maya winter sigi galak endar utai tumbuh laban bisi ujan. Summer time lagi, nyu kering rangkai.

    Enggi aku, aku meda sida gladiola nyu udah pansut ari tanah. Lupines aku pen manah. Benong ka ngadu kolam mit ba moa rumah ... ready made kolam lah .. bala anak ka nyimpan ikan mas dalam nya.

    Cantik gamal primrose nya.

    ReplyDelete
  2. Puteri - ukai enda lembau ngenang rumput nya, tajapan enda galak iga enggi kami ditu, ketegal ari ke udu celap 4 bulan ke udah.
    Nya aku rindu nanam primrose enggau pansies laban 'tahan lasak'. Enda ibuh dipanjah ai selalu. Aku bisi meh nanam bunga lupines, benung nguntum. Manah endar ga bunga tu.

    Enda ulih kami tu ka bekolam, suah mindah serta mayuh jelu mayau 'nagabang' ngagai Calisto!

    ReplyDelete
  3. apuuu rajin endal tu! naka pemanah bungai udah ngembang ila!

    ReplyDelete
  4. Wai Endun Belalai - Ma ari udah ka manah baka dia tu, endang meransang betanam ke bunga. Enggi aku bunga aja. Rindu meda pemanah sida bunga dijual dipasar din, enda ulih di keliah bemacam curak enggau gaya. Endang gagit ati !!

    ReplyDelete
  5. i like Pansy..easy to plant in winter..easy mati in summer hehe

    I love the colour..beautful colours

    ReplyDelete
  6. Lyana..aku nagih pic bunga raya nuan aar..hehe..anang lupa ngambi gambar auk?

    ReplyDelete
  7. Debbie - Nyalah penyalah pansies tu. Nyamai di tanam tang fragile at the same time. Siti agi pemanah ia, tajapan 'mati' tang ia ngetan urat dalam tanah, taun baru tau nyumbuk kediri.

    Wai Mau, Hibiscus Lover - Anang irau! Agi aku ingat ke semaya tua. hehehe Ujung springtime ila baru nyumbuk ila. Laban ia rindu ke maya ari angat endar. Sama character enggau bunga raya kitai ga.

    ReplyDelete
  8. Manah angin nuan Lyana..angin bekebun bunga hehehe..angin aku ka ngadu utai bak kebun bunga bedau agi..agi lebau tulang siku tu..sigi manah nga pansy tang enda tang lama..bisi meh aku coba nanam ari nya..nehhh seminggu lebih lalu rangkai diri bak pasu bunga..bisi ngak di siram bari bari ulih ku..enggai nyadi!

    ReplyDelete
  9. Anne - Angin musim bunga ditu !

    ayihhh kati tau mati bunga pansy nuan nya? naka penyenang nanam bunga tu. engka diengkah nuan ba endur kelalu nunga mata panas kini? Iya enggai ga disimpan dalam pasu plastik enggau mit. ukai ga mesti, tang manah agi dalam pasu bunga biasa enggau besai mimit ari bunga tu empu, laban iya 'merarai', mayuh urat! uji deh, enti agi ga enda ulih wai, enda aku nemu.

    ReplyDelete
  10. Manah amai bungai kita dia. Aku benung berunding meh ka ngadu ke sida bungai sebelah tisi rumah. Nyau sebarang utai ditanam ama aku suba. Pecaya enda buah naga ditanam ia, buah kurma (maioh amai bulan puasa suba), sida encherenga (sejenis bungai kena ngecat kuku, melayu pama kawin bekena ke tu 'inai') Semua nya ditanam sebarang-sebarang. Nangka enti bungai ditanam dek nya tau idup ba menua kitai ditu Lyana rindu amai nanam ia. Kala suba aku dikeduan cina nyual bunga, bungai nya sigi spesis ditanam ba endur chelap, pelaba aku diambi sida sebelah cameron highland. Tudah aku ke enda nemu beli meh tanam. Neh ka seminggu aja tudah gayu, lama agi layu ngujung ke mati. Amai pemadu. Ila aku ngeso ga gamal bungai aku.

    ReplyDelete
  11. Wai Dolly - Aku nitih ke stail urang ditu. Every seasons betukar bunga di tanam. Bisi ga bunga tauka pun bunga evergreen nya dia, ba tisi rumah aja. Sida tu ngati ke diri. Semina muai rumput ke semak nya aja. Jadi ba flower bed nya, mesti ka di ganti tanah tiap taun serta di beri baja. kiruh agi ulah laban tu tang laban pengerindu meda bemacam bansa
    bunga nadai peduli ke pengiruh !! hehe

    ReplyDelete