Thursday, March 19, 2009

Netbook

Image Hosted by ImageShack.us

Tu ia netbook Samsung NC10 enggi aku. Pemesai ia, kira di sema jaku mesai bup magazin iban ke benung majak maju diatu, ianya magazin Pegari. Enti dibuka, pemesai dua iti Pegari ! Rumpas endar gamal utai tu. Baru datai pagi tadi. Jampat endar datai. Diorder ari amazon.com ari satu, naka tiga ari aja nganti. Udah diuji, nadai apa nama tang bedau cukup perengka di'instal'. Battery udah dicaj. Nyamai endar maya mindah jauh enda ibuh ngagai 'cyber café' agi, ma ka meda bala e-mails, ngabas blog tauka FB aku ila. Aku ka download Google Talk mega, laban udah besemaya deka berandau (chatting) enggau Puteri ngena netbook tu.

Image Hosted by ImageShack.us


Tu perengka ia siti ke bedau sempat ditampil ngagai netbook nya. Nama utai tu 'commutateur', ti ngasuh pejalai netbook tu lancar serta manah agi. Pagila baru siap semua diadu. Nyah, tu meh 'ayam baru' aku ke ngasuh aku gagau dua tiga ari tu.

P/S: Enda aku lupak janji tua ga wai Bintang Ati ! :-))

10 comments:

  1. apuuu netbook baru kita tiga sida puteri & anne! teteguk meda ;) enti udah bisi ayam baru, mayoh agi becerita! :D

    ReplyDelete
  2. Woohooo! Lawa gamal netbook baru nya!! Tang ma mindah ila ngiga hotel ka bisi meri free wifi! Ulih ga go online ari bilik hotel!

    Google plugin ka didownload nya Google video chat?

    Eh, aku ketawa meda word verification ka pansut - wifyism - maya aku ka ngepost comment tu! Ngena endar!

    ReplyDelete
  3. Akai akai..pama amai wai. Dah bisi netbook nuan udah piak? Rindu ati! Lawa urang pu netbook. Kira birthday present in advance lah tu..hehe

    ReplyDelete
  4. Wai Alice - Nemu ga diri ka bisi netbook tu, laban endang udah di diati, tang enda nyangka nya bulih diatu...puji tuhan! hahaha!! alah pengawa sida wartawan, laban kitai !!!

    Puteri - Lawa ahhh! Cun2 rumah temuai ka endur diau(udah booking), cuti bulan 4 ila, bisi free wifi. Terubah ia kami meda rumah temuai bisi dilengkap enggau internet facilities.

    Muchau tudah Jenny, laban enggi ia diorder SALE maya X'mas ke utai, nadai agi stock kaler celum, terpaksa meli ke burak. Tambah 30euros mar agi ari enggi aku ke ukai di beli maya SALE !
    auk, plugin Google ngambi ulih kena kitai bevideo chat....
    Wifyism? Amat baru ia ga meda jaku tu...wifying ??? hahaha

    Anne - Present meh nya! Endang udah besemaya enggau laling, tau enda ibuh bepresent last X'mas enggau B'day aku ila. Endang ngining netbook nya aja! :-)))

    ReplyDelete
  5. pu neh..lawa ayam baru nn wai..nyeling ari tisi meh aku..hahaha

    ReplyDelete
  6. IbanLady - anang nyeling2, enggai ke tepantup mensul kening !! hehehe

    ReplyDelete
  7. Ah dah bisi netbook dik, lawa amat. Nyamai dibai kin kia, download resipi ba dapur pun ulih diadu ke neh.

    ReplyDelete
  8. hello cath - ukai enda lawa agi, nyu nadai ngetu natuk utai ditu! auk, nya meh nyu bekuap bilik dapur aku sepiak nya lama enda diabas. enti udah lepa agi ila, ka ngiga risipi ke badas ba website....

    ReplyDelete
  9. Stidi!!!!! Nya iyaaaaaa... bendar ngupdate blog udah tu (kenu... peda aku tu, nadai ga selalu udah bisi laptop kediri :P)

    ReplyDelete
  10. hehehe bendar nguji utai tu ditu, abis salah tatuk, keyboard kelalu mit serta sopistikat agi.....errrrr!

    ReplyDelete