Wednesday, March 25, 2009

Ruai genap setaun.

Baru teringat ke saritu ruai aku udah genap tiga belas bulan. Nyu udah setaun meh! Aku belabuh muka randau aku ia ke endar kena 25hb Februari, 2008. Nya meh, baru saritu aku sedar ke nya.

Enda nyangka ke diri ulih ngenan ke tugu tu ngelama nya. Sebedau belabuh enggau 'ngeruh ke ai' dalam dunya siber tu, aku ngaku ke diri endang enda tentu landik nulis dalam jaku iban. Jaku iban endang enda kala puntang seruran diingat belama tajapan ditu enda dikena ari ari jaku kitai nya. Jaku peranchis nyu bebelit dilah nya meh kena aku berandau enggau urang empu menua tu. Nya aja jaku temu sida iya! Alah sida ia laban aku, aku munyi ke muji diri, 4 bansa jaku ulih dikena berandau, iban, melayu, inglish enggau peranchis. Tang kekadang bisi maya saru jaku dikena maya ke gagit berandau, wai. Ngenung pangan ke betunga mua enggau berandau, pesap pesap mata, enda nemu nama jaku ke kena aku udah nya...ngujung ke lekik lekik ketawa ngenang ke penadak diri !!

Enti aku ngenang ke diatu, aku benasip udah besekula di menua iban. Setaun aja, ia nya taun 1974-1975 di SRK St. Peter, Saratok. Primari 3 aja aku dia. Tiap taun kami menyadi betukar sekula laban nitih ke apai aku ke suah dipindah endur gawa. Nyuka seluruh Sarawak endur besekula ; Kuching, Saratok, Binatang (Bintangor), Sibu, penudi ia nyu udah datai ba sekula sekendari baru bala kami pulai baru, lalu netap di Kuching. Ba SRK St. Peter meh aku belabuh nemu macha serta nulis dalam jaku iban. Di ajar ke Cikgu Ringgit. Terubah ia ga meda bup ditulis dalam jaku iban seratus peratus! Endang pengingat enda ulih dibuai maya nya kelia. Semina siti penyesal, laban enda lama besekula dia. Ti ngasuh tebengkalai mimit penemu dalam jaku asal kitai.

Aku baru tepeda ga ke ruai apairosa. apuuu..familiar endar ensera Apai Sali ke dibantai iya dia. Agi rindu aku macha, wai ! Ke bala ke ka nemu lebih dalam agi pasal jaku, asal usul enggau adat iban, aku mai kita nyengguk ke ruai GNMawar.

Bah, aram ngangkat ke jari ngenggam gelas, tuang ai tuak, urin, lemenit kini enggau aku berami ditu. Nyambut ari baday ruai aku saritu...ooohaaaaa ooohaaaaa !!!!! :-)))


Image Hosted by ImageShack.us

9 comments:

  1. Keep up the good & interesting blogs Lyana! Pama meh, udah setaun jagung blogs nuan wai :) and more year to comes!

    ReplyDelete
  2. Wahh udah setaun Ruai nuan wai :).Pansut ke mayuh meh ensera ruai nuan..rindu macha.

    ReplyDelete
  3. Congratulations and celebration ..da ...da ... kati munyi lagu nya tadi? Enda berasai udah setaun sebulan neh! Asai ka kemari aku ka nulong nuan muka blog nuan!

    ReplyDelete
  4. anne - Terima kasih ke sampi nuan ! Setaun jagung manis .......


    Endun Gretta - haha mua gamal aku tu nusui ensera !
    Terima kasih sama2 ke nuan mega wai!


    Puteri - auk, lagu Celebration Time ari Cool & the gang ! lol

    Endang amat enda berasai. Nama kebuah enda ingat ; ni ke blog di tulis 'jaku begantung ka nuan' serta gambar nyu pemesai dipansut laban bedau pass crop up gambar !! Bendar ga nuan ngumbuk aku enggau beblog, ketegal nyangka diri lansang nulis iban meh aku lembau. Kati deh, bisi insur peda nuan diatu ??? hiiiiiiii

    Nyway, enggau tu mega aku ngambi peluang meri nuan beribu2 TERIMA KASIH mega ! :-))))))

    ReplyDelete
  5. Yippieee yay!
    kala ba menua bintangor gak nuan suba neh, mesti maya nyak agik pasar koboi..hehehe
    maya aku agik mit suba, tiap kali pulai ke bintangor nyau baka sakai ku meda ba;a sida ukui and burung achang betegarey di jalai..dah pasar mit amat maya nyak...

    ReplyDelete
  6. Chris - apuuu...bala ukuinyu tekurus kering ke baka dugau di kaki lima cina. nadai aku nemu pemayuh jelu ukui baka nya! nyu kurap memagang...gelik meda wai! Sida burung acang, nyu baka kebab ga ba perabung kaki lima cina. Endang kenangan unik di Bintangor. Udah maju diatu, nadai agi sangka aku pemandangan baka tu...taun 2007aku bai cousin aku nemuai enda lama kin tang kami enda ngetu, semina di pansa aja.

    ReplyDelete
  7. hehe...
    nadai agik meh. dah lebih sepuluh taun dah nadai kala meda burung achang ba pasar. burung layang2 mayuh la, nyau irau bejalai ba pasar enggai ka di beri 'hadiah'...hahaha
    ukui pun nyau nadai dipeda ba pasar. engka udah nyadi tabas..haha

    (random musing: ko urang ukui kurap nya nyamai agik...ku enda nemu deh, nadai kala makai ukui...)

    ReplyDelete
  8. bonne anniversaires cuzzie, i mean to ur blog hehehehe... dah setahun apuu udah nemu bejalai meh tudah blog nuan tu sema ke iya mensia hahaha.. keep up blogging, more n more!!

    ReplyDelete
  9. chris - Manah meh nya. Ukui kaka nya patut ia di iyar ari kaki lima cina, ukai dugau2, garing2 ngetat ke angat, nyu nadai gamal agi.

    Wo ho ho...biar aku keberuran enda makai enggai meh belauk ke ukui kaka !! Ka cina, meri tenaga ke tubuh kitai. Tenago apo nyo ko??!



    Pat - Merci beaucoups ma chérie !!

    Auk, ka ati endang ka nitih ke pengelama ni kaki agi ulih bai nyingkang ! ;-))

    ReplyDelete