Friday, April 3, 2009

Bon fire !

Image Hosted by ImageShack.us

Image Hosted by ImageShack.us


Bendar endar saritu betunu ke rangkang kayu, daun-daun kayu, sekeda rumput enggau uras ke bisi ba luar rumah din. Pama meh ! Ngemansut ke peluh enda lama. Nyu lelak diri ga kami menyanak lemai tu tadi. Tang puas ga ati din, meda kompaun rumah nyu kemas mimit.

Seminggu tu udah ari manah, nadai ujan, semina berangin aja. Bala tugung rangkang enggau daun kayu nya lama udah betugung di luar din, kenyau ari bulan sebelas nyin suba. Ka jaku ka di anjung ngagai palan 'khas' endur muai rangkang kayu nya. Tang enda jadi, nyu betangguh2 laban bisi maya ga tebuka endur nya. Udah nya kiruh ke pengawa bukai ngelama tu, ngujung ke nyu 'bekasam' di kompaun din.

Nyu enda liat ati aku saritu, nya ke mai bala anak, nunu nya sekali. Ngica ke maya tu agi di kemendar ke municipal council pengawa betunu tu. Belabuh ari pun bulan lima ila disaman perintah enti kitai bisi ditemu nunu utai sebarang taja pan dikandang rumah kitai empu. Udah tu, sari dua ila ka 'nginjin' rumput, nyu enggai ga mata meda gamal rumput udah tinggi endar sebelah nya dia.

5 comments:

  1. Dipelaba aku bala anak rindu diluar! Keni gaya weather bulan 6, biasanya di Paris?

    ReplyDelete
  2. Selamat pagi wai!

    hahaha tumu endar nuan dani?

    Ukai enda rindu agi bala anak, aku empu deh nyu berasai 'idup' , enda tak petang ka asai agi. Panas bisa, ari terang nyentuk ke 8:00 malam. Bulan 6 ila udah musim summer. Angat endar maya nya ila, wai .

    ReplyDelete
  3. Amat tumu Endun dani pagi tu! Blog aku apin diupdate, agi kiroh!

    Wah, pama hari kita dia enti bisi dianjong ngena baju lengan pandak! Hari sahari tu enda ga entu chelap tang bisi angin, nyu chelap ga asai iya.

    ReplyDelete
  4. Piak wai, rajin meh ngerja ka utai belakang rumah...mun depih udah ku ngagau nuan ngerja bak kebun belakang rumah aku..hehehe...jk!

    Untung nuan, bisi anak indu bisi nyaup nulung ngerja utai bekenyak.Nya best bisi anak dara :)

    ReplyDelete
  5. Puteri - Amat udah pama mimit ari kami diatu. Nyu udah 'bekuntau' kiba kanan, ngumpul utai ke ka ditunu lalu nungkun api ke nyu ngena T-shirt aja. Agi bebaju tebal aku sebedau ke nunga bara api nya !


    Anne - hehehe ukai belakang rumah, wai. Di mua rumah. Nadai backyard, rumah stail lama european - ari pun abad 20 kelia, tuai endar !

    Pama ga bisi pembantu. Udah ngambi pulai sekula, ninga aku ka nunu di kompaun din lalu beguai sida tiga(anak jiran enggau ga) ngangkut utai ke ditunu, gagit meda api !!
    peiii......

    ReplyDelete