Tuesday, April 28, 2009

Bubur chacha

Lemai kemari, kami duai Puteri berandau ngena 'video chat' enda lama. Maya nya udah jauh endar malam aku ditu, tang di California din, baru tengah hari. Nya deh bedau abis merarau Puteri. Aku ditu udah kelat mata , ka tinduk ! Iya madah ke aku ia manduk bubur ubi manis, gulai enggau gula apung. Ahhh???! Dini nuan bulih gula apung, ka aku? Iya madah ba kedai asian sendi iya din bisi urang nyual. Untung endar !! Nyu tetengguk aku ke bubur chacha ia nya. Dia aku madah ke iya, aku deka ke pasar baru pagi ila, laban pagi kemari udah nurun supping, nyu puang peti ais laban ke lama beganjuh !

Ngelamatu suah bisi ubi manis nya. Tang kekadang nemu lah kitai, maya kitai beguna ke utai siti2 ba pasar, nuju kedai ke selalu digagai ga nya, tauk nadai maya nya. Nyelai endar. Nya meh, udah nganjung bala anak sekula, lalu ke supermarket nya, nyu baka ke dikebu ribut, pengelaju bejalai ngagai endur kaunter 'exotic vegetables', anang wai...ubi manis nya nyu 'exotic' ba menua tu ! huhu..gaga ati, ari jauh aku tepeda ke bala ubi bisi nganti..pia deh! Nyu bebesai magang. Enda lebu nurun tumu pagi supping ke nya. Perengka bukai kena ngulai manduk bubur bisi magang semina nadai gula apung. Tang nadai ka enggau, ngena gula biasa meh sekali tu, ila mai stock gula apung ari menua, kemisi tu lagi.

Image Hosted by ImageShack.us
Gamal bubur chacha udah mansau. Digulai enggau nyeli sago enggau ai santan ga.

Image Hosted by ImageShack.us
Peda pemesai ubi manis tu. Diimpot ari menua French Guyana. Pemerat 3 igi ubi tu, 2k 324gm. Sekilo 2€99. Rega semua tu tadi 6€95. Pulai ke duit kitai kurang lebih 25MR. Naka2 !!

9 comments:

  1. Wahhhh, enggi kau enda entu manis. Engka laban ubi randau nya dah kelalu lama, nyu nadai manis agi. Tadi aku bisi ka supermarket, enda tingat meli. Pagila bisi pasar minggu, tau ga ngiga din laban alu bisi keladi ga dijual dia. Engka sahari tu mandok kacang mirah .. lama dah peket nya dia!

    ReplyDelete
  2. oiiii manis ubi enggi aku nya ! Mimit aja gula ditabak aku ke bubur nya. Endang agi baru pelaba aku, nya deh agi gangam gamal, enda ngeriut kulit; agi manah ia baka tu. Aku ka agi makai kacang ijo, agi mayuh stock dia. Minat makai keladi ga nuan? Aku enda berapo, endang ari kelia enda enggau berebut ke keladi. Daun ia, ka aku makai, gulai enggau tumis belacan enggau asam jawa...miamm !!

    ReplyDelete
  3. Wasey.. stidi bubur chacha nuan wai.. sigi berchacha enti udah makai bubur tu..

    ReplyDelete
  4. Pama meh seduai. Ngaga bubur ubi neh. Aku minat agi main rebus ubi nya kedirik aja. Ngaga meh nadai enggau urang alai ku berebut makai.

    ReplyDelete
  5. Ken - ukai enda agi ! Nadai endar gamal utai diempa ke ngasuh ngerindang ke ati. :-))


    Anne - ubi randau ke panjai nya, ka aku makai rebus aja. ubi manis tu, ma enda di gaga ke bubur, di gaga ke cucur sedap meh! bala aku ka agi makai gaga ke cucur.

    ReplyDelete
  6. Ibanlady - enti semak ka mai serumpu makai bubur....hehehe ;-))

    ReplyDelete