Thursday, April 23, 2009

Makai 'tartiflette'.

Engka nyu leju kita meda gambar rampa menua dibantai aku tiga hari tu udah. Nyu enda ulih titih pejalai Lyana, ka kita, pelaba aku. Bah, aram ngetu makai, ngirup enda lama kitai. Nyu lelak ikak mindah enda ngetu ! Ukai ga enda makai ngirup ngelama tu. Tang sekali tu menyamu selera ba siti restoran ke nyadung pemakai tradisi urang empu menua. Udah tu lagi raun baru....

Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us

Image Hosted by ImageShack.us
'Tartiflette' tu pemakai tebilang peranchis tunga ke menua tu. Ubi gentang rebus, dagin sapi enggau ngot salai lalu di empa enggau keju/cheese tunu dalam oven. Menua La Haute Savoie tu, siti endur di France tekenal alai ngaga cheese bemacam bansa.

Image Hosted by ImageShack.us
Lydia seduai Anais ngenat ke diri, kenyang laban tartiflette. Baka baya ke ngenat ke telan !!

Image Hosted by ImageShack.us
Madamme tu, nyu beunjur betinggang kaki baka ba ruai rumah panjai kitai, ma udah badu makai. Tang enda ga kempang ati ka gali garing2 baka sekeda ke sendi kami menyanak. Nyu rangak2 ngenat ke diri sebelah rumput!

Image Hosted by ImageShack.us
'Boss' kami tu, enda nemu jenuh...nyu nyenep menyenep, kiba kanan !

Image Hosted by ImageShack.us
Peda gamal kami sebuat, nyu enda menuku agi....

4 comments:

  1. Savoie cheese! Bisi dijual ditu!

    Mayoh endar utai dempa patut nyu baka sawa dah nelan babi! Hehehe.

    Bendar Nicolas nyenep gambar .. sigi landik iya nya ngambi gambar.

    ReplyDelete
  2. Wahh best amat pemakai nya.. bisi ngot bisi cheese, my favorit!

    ReplyDelete
  3. Raun kin kia kitak menyanak neh wai. Bendar makai angin hehe..apuu nama nya cheese deh utai di empa. Nyamai ngot urang bak din wai? Bak keno indai ku, ngot urang putih nadai nyamai, enda telaban ka ngot kitai bak menua.

    ReplyDelete
  4. Puteri - lemai nya makai sayur salade enggau dry salmon kami menyanak, bela nadai selera agi! enti di rumah aku empu din udah manduk asi bubur aku, ditu enda cukup ingredients dibai....


    Pat - Nadai 'poulet'(manuk) menu ditu hahaha...agi ingat ke Gaby ke nyebut 'poulet' suba, tak cun sebut ia ! yup..ngot salai agi nya......


    Anne - Sedap cheese enggau sausages rangkai (ngot). Especially cheese savoie nya...creamy !

    ReplyDelete