Monday, April 6, 2009

Ya Habibi......


Cerita wayang di peda aku lemai tu ba TV, cerita 'spy' jenaka. Cerita dalam jaku peranchis. Ba sedutan video Youtube tu, ngayan ke Hubert Bonisseur de la Bath (agent OSS 117) benung merati ke Larmina (indu baju gadung nyin) benung 'ngetan ke panjuk' ngagai siku imam masjid ke enda manah ati, ke disangka munuh apai Larmina. OSS 117 besubahat enggau Larmina, lalu nyaru jadi pemain muzik tang enda mukai2, ngambi ke pengawa ia enda di temu ke tok imam ke ka 'dipanjuk' nyin nemu ia nya benung di intai, Hubert lalu ngaga diri jadi penyanyi ga. Lagu ia nya nadai reti mimit, taja bunyi utai sebut ia munyi jaku arab.


Benung ke meda agent OSS 117 (Hubert) ke belagu enggau gilik2 lagu arab nya, tak bemua P.Ramlee ba video Youtube siti tu ga. Dalam video tu P.Ramlee benung nyinok belagu enggau Aziz Sattar ala arab. Sedutan ari cerita "Ya Habibi Ali Baba". Enda sebaka gaya pengawa P.Ramlee enggau pelakun peranchis ke baru diatu nya?

2 comments:

  1. Teringat ba cerita Ali baba bujang lapuk nya, ulun kasim baba ke ngalu ke pasar meli belacan... betapuk tokey nya meri belacan takut kena tangkap laban belacan smuggle ari Malaya... Candu enggau ganja open aja nyual.. lucu2..

    ReplyDelete
  2. hahaha manah nuan agi ingat ke kisah belacan kena smuggle nya ! aku nyu enda ingat agi semina sekeda aja, baka lagu ia siti tu. Lalu terima kasih ke Youtube ga!

    ReplyDelete