Pagi tadi aku mai laling aku suping ngagai supermarket cina. Kira ke jauh endur nya, nya aku enggai ke diri kin. Takut tesat. Tambah ari enda berapa gak saritu.
Sebedau datai ba supermarket nya, irau gak ati aku tadi. Irau ke bala sayur ke diati nadai dijual pagi tu. Lama udah ngidam ke buah periak enggau lubak masin. Datai din, dulu ngagai endur sayur. Gaga ati deh! Bisi, kangkung, bayam, sayur cina, periak, retak, entekai...enggai agi ngira, ka dibeli magang enti ulih!
Buah durian deh bisi. Tang enda berapa agi gamal durian nya, nyu madai gamal. Tambah enti buah rian nadai bau agi, enda tentu berapa agi, enda pia?! Tempuyak deh bisi. Tang aku enda meli, laban nyawa aku lembau makai tempuyak.
Bah, nya aja utai beli aku tadi. Baka ke dibantai ba gambar nya. Pama meh, kena muai ke tengguk. Ila mansang kin baru.
Lemai lagi aku manduk periak nya. Guring gulai pusu, bawang, cabi padi mimit, umbas meh.....
Aku lemai tu pan belauk ka buah periak enggau ikan masin.. lama dah enda makai ikan masin...... dah nya sup kulat, ermmmm...
ReplyDeleteSelamat makai buah peria meh ngagai nuan..
Walts,
ReplyDeletebisi geng aku makai lauk periak ney....hehe auk, endang cun lauk nuan nya! :-)
Peria di guring enggau pusu enggau cabi? Enda kala aku nguring baka nya. Favorite aku diguring enggau teluk, tauka diguring enggau undang becampur kacang masin ... nya baru sedap!
ReplyDeleteWah, bisi bulih kangkung! Daun ubi, nadai? Heheh.
auk, eggni aku selalu guring enggau pusu, bawang mirah ditutuk sama enggau cabi. Tabak ke kicap mimit...adeheh. tambah ke telu, pan tau meh... slurppppppp
ReplyDeletekangkung, bayam, sayur cina beli aku tadi. rugi nadai daun ubi! berapa kali round aku ba kedai cina nya, engka tak miss siti corner enda tepeda ke daun ubi!! endang sigi nadai...rugi amat!
Enggi aku peria goreng gulai telu campur sos tiram mimit...cun..Enggai nguring kelalu mansau enggai ke pait ia nyau. Tang nyamai agi ga daun ari buah ia sepi aku.
ReplyDeletePeria??? Yuck...haha, nya reaksi kami duai apai ku. Bela enggai makai peria.
ReplyDeleteKangkung nya baru favorite ku. Goreng enggau asi..huhu, sedap nya :-)
Bah, enjoy ur veggies :-)
Peria enti diguring enggau telu masin & ditabak ka bawang putih 2-3 igi, nyamai meh wai. Telu masin nadai masin udah ti diguring enggau peria. Menyadi apai aku ti ngajar.
ReplyDeleteauk kasih kita ka diau jauh ari menua neh lelengau ke lauk kitai - aku belauk daun entimun engau "geng" ia ( ti daun kediri enda best mesti ka campur-campur) n buah dabai akaidaiiiii nya aja cukup meh engau sup pala ikan tengiri (fresh amat from ocean to the kitchen hehehe beli ba bt 1 kuala baram )
ReplyDeleteLyster,
ReplyDeletepuuuuu cun endar lauk periak stail enggi nuan nya! aku pan enggai manduk kelalu lama, nyamai iya agi pait nya......
Chris,
Nuan enggai makai periak ketegal pait? Aku kelia pan enda tentu berapa meh, enggai makai periak. Diatu udah tuai nemu betukar selera nya. Munyi ka Lysther, daun periak sedap agi !!
Leeching,
ReplyDeleteBaru iya aku nemu resipi periak gulai telu masin nya! ka nguji ila....thanks for sharing!
Andan,
akaidaiiii y ! mehiur hiur ninga lauk nuan nya! aduiii sup ikan tengiri...wohhh baru ingat ke pala ikan beri geng aku ditu kutai (frozen dlm peti-ais). ka panduk aku gulai masam nya, asam jawa pedas nya ila......slurpppppp!