Thursday, June 4, 2009

La liberté !

Tu siti pengawa Calisto ke ngasuh geli ati. Maya iya ka pansut keluar, enti udah leju diau di rumah ! Ukai bisi pengawa bukai, ma enda makai, tinduk, ulah iya. Nyamai endar. Kepuas ke berati ke iya, semadi nadai pengawa ga ulah aku tu, aku deka mantai ke gaya iya 'muka' pintu. Pemayuh pintu dalam rumah tu, ulih di tulak iya enggau pala iya aja enti iya ka masuk dalam bilik. Suah agi iya tama dalam bilik Lydia tauka Anais. Bilik bukai seruran ditutup. Kelebih agi pintu bilik mandi. Kala ninga mayau rindu tinduk ba bilik mandi? Bah, Calisto tu lah siku mayau ke rindu endar tinduk ba bilik mandi, nadai ke bukai, dalam shower cabine agi ! Suah amat tekenyit meda utai tak engkubut dalam nyin.

Mulai ke cerita iya ke 'muka' pintu tadi. Nyadi pintu penama tu meh siti aja pintu enda ulih dientung iya ngena pala iya empu. Enti tudah bisi jari baka kitai, pegai gagang pintu dulu baru pintu ulih dibuka. Tang ga jelu nadai meh jalai tudah muka pintu bakanya! Enti iya ka pansut keluar, 'mengiyau' iya, madah ke diri ka pansut, lalu ngempil diri ke pintu nya. Tang mesti ditukang besai ga pintu nya baru iya nemu ngemansut ke diri...tambab kekadang mayau tu ! Puas bala anak ngajar iya kenyau ari mit kati ngemansut ke diri baka ke ba gambar di baruh nya. Temil... tak temati kutu iya enda nemu cara pansut ari pintu nya. Baka ke irau ke diri di kapit ke pintu. Taja pia, belabuh ari lemai kemari, engka nyu kepuas di ajar kini, belabuh masuk akal mimit iya kati ka bedaya ke pintu nya. Bendar uchak berunding......


Image Hosted by ImageShack.us
Miaowwww...aku ka pansut. Tulung aku, buka pintu tu.

Image Hosted by ImageShack.us
Pintu udah di buka....tang agi irau.......

Image Hosted by ImageShack.us
oii.....tau aku pansut ?!

Image Hosted by ImageShack.us
Whatever......me go now.........

Image Hosted by ImageShack.us
Me head first !

Image Hosted by ImageShack.us
Me neck...

Image Hosted by ImageShack.us
Me body.........yahooo!!

Image Hosted by ImageShack.us
Miowwww...me free!!! Je suis libre....

Image Hosted by ImageShack.us

"Time spent with cats is never wasted." ~Colette~

7 comments:

  1. Haha...geli ati meda ulah calisto.
    Mayau aku ke mati last year nya nemu muka sliding door. Nya meh kami nyau baka ke diau dlm lubang gua laban semua pintu and jendela ulih nutup magang2. Semadi udah pasang grill ke mit (awak nadai jalai tudah enselit laban ke gemuk) baru ulih muka pintu ngau jendela.
    Kebuah enda ngasuh bejalai laban mayuh penculik mayau ditu nambah ke mayau aku nya engkecit pagar ngagai mayau bukai nemu, tang nti ka mulai ke diri lalu tungkut, enda ulih engkecit agik...
    Haha

    ReplyDelete
  2. Haha, bakaka nganti permission! Nyu begadai gadai iya ka pansut!

    ReplyDelete
  3. Chris - semak kami ditu pan bisi meh kes menculik mayau. Nya aku suah irau ati, ma Calisto laun pulai bejalai. Cara aku diatu ngasuh iya jampat pulai, enda diasuh makai ma udah jam iya ka pansut. Laban iya udah teleba makai pemakai khas ke mayau nya, enda nemu makai jelu panjuk iya empu. Selalu bulih anak tikus tauka burung, semina dimain iya aja. Mayau bukai ngepas jelu ke di asu iya!


    Puteri - amat ! amat baka ke minta permission dulu iya sebedau ka pansut. Perening iya kitai dulu, di peransang enggau jaku baru iya berani ngeluar ke diri....ba aku madah, enti nemu bejaku, balat utai kerandau kami sebuat, wai ! ihhh kudi ari ila.....

    ReplyDelete
  4. Haha. Iya agi irau nya, Lyana. Sigi enggai ka kena katup. Lama2 ila nemu iya enti di awak bakanya aja pelaba aku.

    Kami selalu bisi mayau tang ka paling merti diinang aku maya sekula form 4-5 suba. Cukup mereti, enda nemu pansut rumah. Enti sida bos aku nadai, tindok atas sofa. Tang ma ninga bunyi kereta datai parking, iya lalu nurun tindok ba tikai rotan. Peiii.. nemu amat nipu. Hahaha.

    ReplyDelete
  5. Flo - Nyu udah 4 taun umur Calisto, baru diatu iya nemu pintu nya enda 'ngatup' iya ngapa! Udah di sterilised, engka nya alai iya slow learner kini?

    Pelaba ku sebengkah agi kebuah iya nurun ke diri ba tiki rotan, ngambi ke sida bos nuan sinu ke iya...baka ba cerita 'anak tiri ku' haha

    ReplyDelete
  6. LOL!
    Mayau sigi nemu belakon...Haha, baka mayau kami, nti ngereja penyalah baka nyadi komando niki langsir, nama ninga kami ngerepot ngagai indai ku lalu beguai2 nurun udah nya pura2 tindok tauka relax nilat diri empu. Pey, nemu amat ngaga diri innocent.

    ReplyDelete
  7. Chris - LOL! amat baka ke enda sida iya udah nya. Tang nemu nuan kebuah iya nilat diri empu enti udah dirara ? Iya malu !! Nemu malu, jelu mayau. Bisi aku macha pasal tu dalam bup pasal mayau empu 'body expressions'.

    Eg : Calisto suah amat aku merening iya baka 'eye to eye', udah nya sebut 'I love'. 'Nyaut' iya , kelip ke iya mata lalu ngenduk ke pala ! (I love you too!)...this is cited in the book.

    ReplyDelete