Friday, October 30, 2009

Nemuai ke Sarlat-le-Caneda

Saritu, ari ke penudi kemisi kami menyanak. Tembu meh kemisi kami ke sekali tu. Sulu ati endang besemaya deka mai ke menua ke dikumbai Sarlat. Suah ga udah kitu tang enda nemu leju meda pemanah bandar tu. Bandar Sarlat tu endang suah mega endur urang pengaga filem peranchis tauka ari menua bukai ngaga filem sida iya. Laban bangunan ditu, mayuh agi stail lama ke agi diintu enggau badas. Cerita baka 'The Hunchback of Notredam' nya meh gaya cerita wayang ke suah di lakun ditu.

Aku mega enggai enda madah petunggal aku Puteri udah dibai nemuai kitu taun 1995 suba. Agi belala iya meda pemanah bandar tu, serta ingat endar ke jalai sempit ke suah ditengah kami sebuat maya nya. Agi jalai sempit nya, ke nyu penuh tai ukui! cihhh enda berapo lebuh nya suba. Diatu anang irau agi Puteri, nadai pengirau ke ngindik tai ukui agi kita bejalai din. Udah bisi undang2 ngukum sida ke bisi ukui, ke neju ukui birak sebarang endur. Besai saman diatu! Tau masuk jil sida iya enti enda nitih ke nya !! Likun serta beresi agi meh Sarlat diatu.























Bah, mupuk aku! :-)

2 comments:

  1. Ooooiii, rindu amat aku meda gambar dibantai nuan ditu! Enda teranti ka kin baru!!

    Begedi aku ka endar ngindik tai ukui suba!! Baka magnet kaki enggau tai ukui! Temu malik katas meda bangunan, nyu tai ukui kena indik kami duai Nicolas! heheheheh!

    ReplyDelete
  2. Anang enda nemuai kitu baru!

    Auk, bidik endar seduai ngindik tai ukui. Enggi nuan nyu dua kali!! Ka penemu urang ditu, enti kitai ngindik tai ukui ngena kaki kiba, bisi nasip manah sari nya...hahaha nama nasip ko??? Bulih pengamah ke kasut aja!! ishhhhh

    ReplyDelete