Friday, January 23, 2009

Angin kabut....

Benung balat endar angin di luar din. Ari pukul 9.00 pagi tadi angin tu betiup enda ngetu-ngetu. Ujan pan nyu baka ke dibubuh ari baldi ai, labuh ari langit. Bisi ga maya ngetu sekejap, ngemansut ke panas enda lama. Ngumbai ngetu, belabuh baru ga angin nya bepuput, makin laju keba. Kati ka ngumbai ari baka tu. Ujan panas? Ari kudi?

Temperature pan udah niki ngagai 9°C, kira ke angat ke maya winter. Takut meda bala kayu nyu ka tumbang dipuput ribut. Peneras angin dipadah ari stisin ramalan cuaca dipeda ba TV, kira lebih 90km sejam. Di asai aku deras agi ari nya. Eh, ukai expert tang tak lebih ari 90km sepi aku. Enti bediri cegit2 diluar din, berasai ka tumbang dipuput ribut ngeneras tu. Ari jendila dalam rumah aku meda bala daun, uras terebai kin kitu. Nyu baka derup bunyi tong sampah sida jiran tungkup ba tisi jalai. Ngumba endar ga pagi tadi, ari lori datai ngumpul sampah. Udah puang, baka lungking dipuput ribut laban udah lempung. Enti agi penuh balat meda bala sampah teberai ba jalai din.

Weekends tu lagi pan agi ujan. Nyu enda ulih mindah. Lembau ga ka pansut ari baka tu. Buring ga diau di rumah nadai pengawa. Aku ke teleba bejalai kaki, ka ngemansut ke penuh tiap tengahari ari minggu, nyu masuk ke minggu ketiga ari minggu tu lagi seruran tergendala prugrim. Enda sabar agi nganti ari manah. Look forward to Spring time soon !

7 comments:

  1. Kami ribut tang enda entu balat.. enggai chelap aja.

    Nama kami lalu bedau bisi snow tu neh...?

    ReplyDelete
  2. Udah ngetu ribut lemai tu. Stress endar laban nya seari-ari tu, irau meh enggai ke cheminee jiran aku sepiak nya rebah baru baka kabut ke balat endar mangka nyuka semua menua Europe kena 26th Dec. 1999 kelia. Agi trauma aku laban tu.

    Aku ngambi Anais pulai sekula tadi, bisi meh snow labuh tang enda mayuh begulai enggau ujan. Engka bedau maya agi snow di Aberdeen dia. Kekadang tunga ke bulan April ila tau agi bisi snow. Udah ga kena baka nya taun nyin suba enti enda salah ingat aku.

    ReplyDelete
  3. Terima wai laban udah nyenguk serta ningal pesan aba blog baru aku. Selamat betemu! Ditu pen ujan tiap2 hari, ampuh meh sekeda jalai, serta diatu mayoh kereta ketegal orang pulai ngintu taun baru cina!

    ReplyDelete
  4. 'Gong Xi Fa Chai' wai!

    Ngarap ke taun tu celap lindap, senang lantang, nimba mayuh rezeki ari taun ke udah .

    Anak aku ke biak enggau ngerami taun 'kerbau' laban ada taun 1997.

    ReplyDelete
  5. Aku aku ti no. 2 pen ada taun kerbau, ti ngasoh kami berasai geli ati laban iya gaga amai madah ngagai bala kawan iya, iya ada taun kerbau. he..he..

    Kami kelmari & saritu bisi meda mata panas tapi enda angat endar, ulih ga ngerangkai ka gari.

    ReplyDelete
  6. Lyana, nya ku madah ke bear bisi angin ribut gak ulih nyadi maia winter ba kitak di Europe din neh. Nya ia madah ke aku ba Europe enda sama enggau ba ditu of course geografi enda sama, nadai balat ribut ditu maia winter mina angin utara chelap. Pengelama aku nadai kala meda ribut balat, suba agi mit suba selalu ribut balat sampai tong kosong ke besai alai nyimpan air ulih terbai ari tanjuk rumah panjai. Irau enti ribut balat, anembiak sekula tau enda ibuh nurun enti kelalu balat ribut. Macam macam gak ari diatu.

    ReplyDelete
  7. Wai Indaistarz and Cath,

    Nadai enda ampit tasah kitai taun tu. Nasib ribut ke muput kami ari lima tu tadi enda balat iga. Balat ga tang enda ngemalat tunga ke selatan menua France tu, nyu mayuh kayu tumbang ninggang rumah, kerita, bisi bebadi nyawa ga. Kediatu agi 4 iku mnagsa. Rumah ampuh bah, balat endar sida ia tunga kin. Pengelaju angin direkod ramalan cuaca sampai 180km sejam !
    Semua public transports baka train enggau bilun di batal, urang enda asuh mindah. Takut meda ba Tv pemalat ari jai din.

    ReplyDelete