Tuesday, January 6, 2009

Majak celap !

Aku ngelengka ke enda lama randau pulai kemisi. Ila nampung baru. Ka nusui ke kami ditu nyu majak salji labuh ari lemai kemari. Nitih ke padah berita ari tu majak celap serta bala ke mai kerita ba jalai alun di tangkan bejaga-jaga laban udah mayuh endar aksiden ketegal jalai licin pagi tu. Salji nya beku lalu jadi ais. Demalam mega lebih kurang 120 iti bilun ke terebai ke luar enggau dalam negeri di batal. Lebih 1600 iku penumpang tepagang di CDG airport din. Nyadi bisi pangan aku siku pulai ke Malaysia ngena flight demalam, delay bilun tudah tuai. Nasib bilun ia ulih angkat kira 2 jam ari scheduled. Hubby aku pulai gawa demalam nyu laun datai di rumah, semua jalai pansut ari CDG kena tutup ketegal ais ba jalai balat endar. Taja pan jalai nya udah di tabur enggau garam ngambi ke ngeluluh ke ia, ais ancur laban garam tang meku baru ga.

Lemai kemari mega baka selama ka ngambi anak pulai sekula, kerita aku enda ulih pansut ari endur aku parking ia di luar din. Merurut kediri, nasib aku ulih mai krita nya lubah-lubah mulai ke ia ke endur selama. Nyu ngangau pangan siku minta tulung ngambi Anais ari skula ia. Pagi tu tadi pan, pangan siku nya baru mai bala nembiak sejiran ditu enggau Anais dalam krita ia. Nyadi Lydia gaga ati ponteng saritu. Kompeni bas skula ditagang pansut mai nembiak laban jalai ke licin. Ngarap ke pagila, nadai agi kecoh baka saritu. Merinsa ga maya bakatu, jalai kamah laban garam, ia ga celap, nadai ulih pansut. Salji nya semina manah dipeda labuh ari langit aja. Endang manah.


Image Hosted by ImageShack.us
Gambar Eiffel Tower kemari di lamun salji.

Image Hosted by ImageShack.us
Bekau tapak kaki atas salji mua penama rumah tu.

Image Hosted by ImageShack.us
Kasih meda kerita aku nya......

Image Hosted by ImageShack.us
Tudah Anais nurun skula pagi tadi.........

Image Hosted by ImageShack.us
Nasib bisi pangan tu, ngangkut bala geng Anais ke skula.

Image Hosted by ImageShack.us
Baka ke latak jalai nya. Udah di tabur enggau garam (bekilo!) tumu pagi tadi, nya baru ulih tengah. Brrrrrrrrr....lembau ga pansut lama-lama di luar din.

Dikarang Lyana kena 1/06/2009 10:18:00 AM

6 comments:

  1. Mizz CokiJanuary 7, 2009 at 1:33 AM

    apu chelap eehh..brrrrr.. aku meda gambar nya pun dah getar getar.

    ReplyDelete
  2. LyanaJanuary 7, 2009 at 9:02 AM

    Minus 10°C pagi tu ! The coldest....endang semua jadi ais di luar din. Handle pagar nyu bendar nguing ke enggai tebuka. Lagi berunding ke ka pansut enggau kerita aku nya, ni tak enda ulih mindah tu. Udah kurang ga rations dalam fridge din...irau ati ke tasah nadai utai pakai agi !!

    C-E-L-A-P !!! Just imagine apin seminggu udah pulai ari menua, agi ngasai ke pengangat temperature din.....i'm longing for it again !!!

    ReplyDelete
  3. Mama DoyeeJanuary 9, 2009 at 5:39 AM

    Apu... berentak perinth menua din melanja garam kena ngadu ke jalai new wai Lyana. Alah ditabur ke garam pemanjai jalai kita dia. Munyi ko dek ga sekejap aja udanya meku baru ga jamah ais. Baka kami ke enda kala meda snow singin amai asai ati. Munyi ko bala kaban ke endang diau di menua chelap maia snow nya meh maia nadai utai ulih. Chelap lembau ninggal ke rumah ko.

    ReplyDelete
  4. LyanaJanuary 9, 2009 at 7:53 AM

    peiiii..kamah wai jalai laban garam nya (bad kualiti empu), tambah mega di gulai enggau pasir alus, sigi bakatu meh cara urang ditu kena ngeluluh ke ais ma balat ba jalai. Diatu udah suah diindik kerita serta ancur jadi ai sida snow nya. Bala kerita kitai mesti di basu udah tu ia, ukai enda nemu pemasin garam wai...

    Enti nadai pengawa penting sigi diluar din, sigi enda ngemansut ke diri aku maya tu.

    ReplyDelete
  5. DCampbell aka PuteriJanuary 9, 2009 at 9:37 PM

    Huh, besnow kita dia! Enda ga ngemalat sekeda tempat semak kami ditu!

    Aku selalu geli ati meda kerita orang nyu baka mai tilam ba atas kerita ... benebal snow atas kerita!

    ReplyDelete
  6. LyanaJanuary 9, 2009 at 11:18 PM

    hehehe enda ingat ngambi gambar kerita aku ke 3 ari enda bejalai, nuan meda penebal salji datas perabung ia...amat baka tilam !!

    ReplyDelete

Subscribe to: Post Comments (Atom)