Bisi ga ari aku limpang ke bukai baka shopping, ngiga utai ke dibai pulai ke menua tu. Kelebih agi meli local foodstuffs baka pikit gulai laksa S'wak, sida ikan pusu, cabik rangkai serta pikit mee segera nyu penuh bik. Irau ati sida ke tuai meda utai dibai pulai kitu enggai ke kena 'ragut' kastam !! Ke udah tu, nadai apa nama ga, digilik ke bala pegawai kastam di Paris pala meda barang diangkut ari bumi Kenyalang. Kelimpah ari shopping, sempat ga raun enda lama ngelinggi negeri Kuching, jadi temuai menua diri enda lama.
Meri besai pengaga ati ngagai petunggal aku, Cikgu Gerald enggau bini ia, laban ke udah ada enggau selamat anak indu seduai ia ke ketiga.
Tu endur makai pemakai ari Tanah Latak (KL) ke baru dibuka di Rock Road Kuching. Bala ke diau menua Kuching enti dipadah ke endur tu, nyamai amat di giga. Seberai Wisma Saberkas. Rega utai pakai ditu umbas ia ga, tau diuji.
Wisma Saberkas di peda endang di mua restoran 'Ashley's Nasi Kandar'. hehehe ngaga publisiti ke Mr. Ashley meh aku tu.
Endang udah adat resam kitai, ma lelak nyinkang sedepa lalu ngetu ngecas enda lama ! Bala anak2 enggau indai2 nganti pemakai ke diorder datai.
Senyum tekuyung siput...Eliya laparkan?
Enda ingat ngambi gambar semua utai pakai. Roti canai aja sempat digambar. Tu roti canai kari.
Roti canai susu cap junjung.
Tu sebana kediri, tumu endar sida Cina ngiias pasar kena nyambut ari besai sida ia ke enda lama ga agi. Agi belala meda 'decorations' Christmas.....
Sempat ga nemuai ke 'rumah besai' Taib apin tembu ke ditaga ke ba seberai Sg. Sarawak nya.
Pasar Kuching lama di peda ari Astana.
Astana lama meruan diintu, bersi, likun selalu.
No comments:
Post a Comment