Sunday, January 11, 2009

Semadi nadai pengawa.

Ngenang ari ke kelalu celap diatu, kami menyanak nadai mindah kini2 saritu. Bela lembau magang ka ngemansut ke diri keluar kin enti nadai kebuah. Kemari aku besemaya enggau pangan siku deka bejalai raun enda lama kira 4 km ari endur kami diau tu. Endang udah sedia 'trekking shoes' kami duai, sama meli ensanus, murah diatu laban maya 'SALE' (jualan murah). Baju celap, stukin tebal, tupi, karung jari semua udah sedia endang amat ka mupuk kenu tengah ari tadi. Udah nya telipun pangan aku nya, nanya enti jadi ke enda prugrim kami duai nya. hehehe...siku baka siku meri alasan madah ke kiruh meh, ke nerika, nikal gari nyu bejumbuh ba bakul, lelak meh...ia ke bandar kami duai sama2 mutus ati enggai pansut ketegal ari nya nyu majak endar celap.
Bejanji baru kami duai, minggu baru ila enti ati ka, kaki ka bai nyingkang, ari manah...jadi bejalai raun 4 km nya !

Image Hosted by ImageShack.us
Nye...udah ke enda jadi pansut bejalai, tu pengawa aku saritu. Nukar pendiau mija mit tu lalu ngatur ia stail 'a la Sarawak' ! Lydia nulung ngemas nyimpan sida decorations Christmas. Kami duai menyanak sepagi-pagi tadi gawa enda bepeluh.

Image Hosted by ImageShack.us
Calisto pan kiruh...ninduk ke diri ba kushen ia baruh heater !!

Image Hosted by ImageShack.us
Udah tembu bekemas, enggau Anais enda lama bemain enggau Wii Game ia. Main bowling kami duai, tau ngasuh pedis berang taja pan bemain 'olok-olok' aja.

Image Hosted by ImageShack.us
This is a MUST !! Badu makai lemai ari minggu endang enda kala miss aku cerita TV serie siti tu CSI New York. 3 episodes beturut-turut, semina ngetu ke iklan tiap 30 mins aja. Ukai tiap 15 mins baka di Malaysia !! Pia mega nadai ninga bunyi .... piiiiittt, tiap kali salah jaku sebut. Nyu enda temu pun enggau ujung agi cerita di sensor ngemalat nya. Too much !!

Bah, tu meh pengawa ujung minggu ke sekali tu, nadai pengawa.....:-)

7 comments:

  1. Hahaha...amai keno nuan Lyana. Aku kadang meh pedih berang leka main utai games bak Nintendo Wii. Kadang main boxing enggau laki ketemu ia nemu kalah ari aku..hehe..indu iban sigi kering..ni ulih laban..hehe..kadang boring bak rumah, malas ka pasut ari rumah ketengal ari bak dituk kelalu angat, meh berkurung dlm rumah dlm air con, main Wii ngak, exercise dlm rumah, ngadu yoga serta aerobic..hehe..kira exercise ngak nya..semadi medih ka tubuh sekejap..

    ReplyDelete
  2. Hi Lyana, nama berita udah pulai ari menua? Enda sakit nuan tukar cuaca? Aku pun enggai pansut pama chelap amat. Sarituk mina keluar ke gereja aja neh, dahnya berkurung dalam rumah, masak-masak enggau bear. Kemari tepantup ati manduk sup babi enggau daun choy enggau masak babi masam manis enggau campur buah nanas. Bungai ba meja nuan nya baka nge aku ba rumah Malaysia din. Ila pama ku pulai kak meli ke sama, manah ba teluk dinding laban rumah aku mit, kena ngisi ruang mit ke kosong.

    ReplyDelete
  3. Charlene,
    Nya ia, kita masang air-con, kami bekindu nunga heater !!

    hehehe enda nemu kebuah ka enggau anak aku main Wii ia nya kemari. Ngelamatu nadai minat. Udah buya kemari lalu asai ke gian. nganti anais pulai school lemai lagi, ngasuh ia ngabis h/work dulu, ka main 'tennis' !! eh, amat excercise
    meh kitai nya, tau lelak......


    Cath,
    Manah berita tajapan sama celap kitai tu. Baru gerai tabin pulai kemisi laban cuaca meh, ari angat ke celap, lalu 'bepesta' sida kuman2 dlm tubuh din !!
    Aku meli rangkang kena decorations nya ba ditu, bisi dijual. Penyapu lidi nyiur kena kitai kelia nyapu lantai pan kena decorations ga diatu...nya meh aku rindu nukar alih perhiasan ba teluk dinding siti nya, nyu jadi hobby.

    ReplyDelete
  4. Selamat Taun Baru 2009 Lyana, arap ka enda laun wish nuan Taun Baru.

    Kita diak benong hari chelap, kami ba Kuching ditu benong kena ai bah.

    Baru lemai tu tadi aku beambi ka gambar ba water front.

    Ka nemu lebih mayoh agi, tau abas blog aku.

    ReplyDelete
  5. Au, nadai nya laun...agi panjai ari bulan satu tu :) !!

    Majak celap, wai. Nya meh udah aku ngabas blog nuan. Balat ga ujan taun tu, nyu bah ngampuh ke negeri Kuching !!

    2 ari beturut tu aku udah kol ke sida indai aku din. Pagi tadi sida madah ke sari tu pama mimit udah ngetu ujan. Endur sida indai aku nadai kena ai bah. oufff !!

    ReplyDelete
  6. Aku ka meli WII! Nganti dah bisi duit ila .. ka meli desktop ka bala anak dulu, dah nya meli ka Doug ... bendar ngadu quilt orang awak ka bisi duit kena spend! heheh.

    Aku nadai bisi minat meda TV series .. mina meda American Idol enggau Dancing with the Stars aja. Kutai aku start meda Knight Rider, tang selalu enda ingat masang tv!

    Enggi aku baru hari enam tu tadi, nyimpan xmas decorations. Xmas quilt aku agi ga bgegantung ba dinding, ahhh, xmas wreath enggau stockings agi ga! Heheh, mina xmas tree and ornaments aja udah disimpan! Agi lembau.

    ReplyDelete
  7. Munyi ka aku keutai, enti enda disimpan diatu 'perengka' X'mas nya, engka tak agi dia nyentuk ke bulan 6 ila! Nya ga penguntung bisi anak dara...enggi aku nya consider ke ka nulung, enda ibuh diupah, tang semadi di asuh. Lydia meh ngemas semua nya ari minggu tu tadi.

    Pasal Tv entertainements, endang enda berapa minat aku. Rindu agi meda cerita besuspen enggau criminology. Bisi ati ka jadi 'mata2 gelap' kelia...hmmmmmm

    ReplyDelete