Nitih ke rikut pulis lebih 300 ribu urang nurun mogok di Paris kemari. Kira lebih ari 2 juta iku urang nurun mogok ari seluruh menua Peranchis. Mogok pekerja perintah enggau swasta begulai sama ke pemadu besai ari ke ngelamatu.
Kebuah ngatur ke pengawa enda lantang ati tu bepun ari ekonomi sedunya ke majak kurang. Kilang mayuh tutup, bankrupt ka jaku, tang udah nya muka kompeni tauka dagang di menua bukai baka di India enggau China. Alai nyebut menua dua iti laban ungkus pendiau (cost of living) menua dua iti tu kurang agi ari ungkus pendiau urang peranchis empu. Enti ditu, nitih ke undang2 pengawa, urang gawa ukai semina nerima gaji aja, tang nyengkaum mayuh utai bukai baka allowances makai, minyak kerita kena nurun gawa, serta sekeda utai bukai ke enda ulih rintai ditu magang. Enti nya di menua ke udah disebut aku dulu tadi nadai mayuh kereneh. Bala urang india enggau cina di kuli gawa 7 ari dalam seminggu nya, enda ibuh di beri allowances semina gaji net nya aja. Ari cuti semadi di beri, cuti bisi tang gaji enda bejalai. Ka pan enda gawa ga tudah siang malam. Kos dagang, retinya cukai ba menua luar kelebih agi menua ke baru ka maju tauka enda maju kurang agi ari menua tu empu. Sapa tan ati dikeduan baka tu. Ditu tudah ke agi bisi utang kena meli rumah enggau kerita , agi bisi anak disekula asa amat ati. Nyangka masa depan diri tejamin, bisi pengawa tetap kenu, ari siti kompeni tutup, kekadang manager lari enda madah ngangkut semua pekakas dalam kilang enggau duit malam ari baka penchuri. Tu siti ari cunto pengawa ke dikenggai ke rakyat menua tu. Tambah perintah kediatu nadai jalai nagang ke bendar kena ngukum sida ke enda betanggung jawab baka tu.
Pengawa enda lantang ati tu mega ketegal rega barang ke kelalu mar. Apin tentu lama ke keudah kitai semua ngasai ke rega minyak petrol ke niki balat endar. Bala urang ke bejual pan enda camang2 ngambi peluang niki ke rega barang sida ia. Rega tikit bas, teksi enggau bilun pan melambung2. Endang logik ga tu, nitih ke udang2 pengawa dagang. Nasib ga krisis tu enda lama. Tang rega barang kitai di pasar din, ari siti nganti ari siti ga kitai ngica maya ia nurun baka rega minyak nya ke udah nurun diatu. Alahai...lalu lekat baka lalat ba empulut ka kitai, enda tau nginsit agi rega barang nya ! Ni enda ngeransi ga laban tu.
Ba publik sektor, semua pengawa ke di pejadi ke perintah kelia, baka kompeni api, ai, post upis udah di pegai pribit tauka setenggah pribit. Gaji nya enda tentu agi. Social advantages pan disekat. (Minta ampun ngena jaku ribai ditu). Lebih 30,000 iku pengajar taun tu kena buai kerja ! Nama kebuah ? Ketegal enda cukup budget ari ministri sida ia. Bah, nama kebuah muai cikgu ari pengawa sida ia tang udah nya, meri belanja beribu juta euros kena nulung bank ari bankrupt. Kena ngaga nuclear power plants. Pagi tu tadi aku ninga ba berita perintah deka niri ke kilang ngena tenaga nuclear baru enda lama agi. Apuuuu!
Nya meh, semadi diau ditu alai ulih ngasai ke siluk biluk pekara ke ngasuh rakyat menua tu kekadang jadi isin ! Tang pengisin nya bisi kebuah, ukai siti aja pekara ke enda ngasuh lantang mayuh utai bukai mega. Enda ulih rintai. Aku nyebut ditu, nadai bisi ka ngari ke sapa2 tang kena sebana aja. Kena berandau muai pengirau, bekunsi penemu meh....nunga ai kupi secawan !!
French motto : Egalité, Fraternité et Liberté ! Equality, brotherhood and freedom.... :)))
Laksa Sarawak
-
[image: Image Hosted by ImageShack.us]
One of my sambal laksa packet I brought back from home last holidays, Dec.
2008. I finally decided to make this de...
15 years ago
ba ya wai balat ndar ekonomi dunya tu nyu turun. Ukai labuh begadai agi tang labuh nyu bedarup. Berasai amat duit nadai rega. Tadi kami menyanak agai bakery bebeki kesida bun engau kuih bukai bala anak ngumpul utai kedeka diri sekali maia RM6 agi enda bulih RM100 apuuuuuuuuu ko aku parai kitai. Sayur nadai rega seringit agi diatu semua RM2 sayur cina tauka sayur babas.
ReplyDeleteNya meh, naka ia ga ngenyadi ke belanja. Baka aku ke lansang bekebun nanam sayur, enggai pan enda meli sayur di pasar baka urang mayuh nya. Ka ngiga ke babas, nadai daun sayur tau diempa di menua ribai tu. dini nemu sida paku kubuk, sida rambai dibabas kami ditu. manuk enggau itit enda ga tau ditupi sebarang ma nadai permit. ka nyangkul tanah ngaga pegung ikan mesai pinggai pan bepermit ga! Dini nya ulih ngidup kediri baka nya ma enda meli ke pasar. Sama meh kitai tu, nadai endur jalai enda sebana ney wai ?!Ari2 ga besembiang, minta berkat ari petara nagmbi ke semua kaban belayan, diri menyadi, bala pangan diri empu nadai kena singkir ari pengawa sida ia maya ekonomi balat merosot diatu.
ReplyDeleteLyana, nasib orang Peranchis nemu mogok nemu hak diri empu. dudi ari ila kak pen enggau mesti berubah gak polisi ekonomi menua kitak. Nya meh enda alah sebut inflasi diatu, gaji niki mimit rega barang control baka pemakai enggau rumah majak niki. Ukai ba Malaysia aja tuk nyadi, ba menua Canada ditu balat meh, nyu 40% kompeni bankrupt ko statistic Edmonton tahun 2007. Bill telefon paling mahal di dunia, 30-40% ari gaji mayar tax. Enti bebeli ke utai ba kedai ai kopi secawan pun bisi tax, ukai rega ia bisi Rm 1! semua utai tax magang. Meli gak social insurans mayar gak tetiap bulan. Rumah baru taja mit 3 bilik enda alah beli nyu semak CAD1 million, rumah lama ke cabuk baka nge kami duai bear tuk setakat ulih diloan bear enggau income ia. Dahlah musim winter bakatuk bill gas semak CAD400 bedau masuk bill bukai. Tambah menua tuk sigi kurang orang, enda maioh meh peluang kerja, enda bergantung enggau industri, tang bergantung enggau natural sources. Hujan emas ba negeri orang, enti difikir tetap manah agi taraf idup di Malaysia.
ReplyDeleteCath,
ReplyDeleteEndang sentiasa selalau bisi hak mogok rakyat ditu. Baik ke nya ari parti aktuel tauka pembakang ke megai menua, hak mogok nya endang meruan enti maya ke enda lantang ati.
Baka nya meh ditu, sama problems kitai.
Ngarap ke pengari perintah sedunya tu jampat nyelesai ke masalah ekonomi merosot tu enggau lengkas. Masa depan anak cucu kitai ila cerah agi ari diatu.
Huh. Mogok, one of the French's favorite activity!
ReplyDeleteDitu mayoh meh orang kena buai kerja, tang nadai mogok. Mogok pen nadai guna .. dini bulih duit kena ngaji? Keda ba civil service complain laban tepaksa ngambi 2 hari cuti enda bebayar dalam sebulan. Manah gaji kurang mimit asal enda dibuai kerja, which is a worse situation to be in!
There you got it all wrong my dear!
ReplyDeleteNadai guna mogok ka kitai, agi ga situation nya sebaka, nadai berubah. Semina ngasuh ngiruh ke urang ke ka nurun gawa etc etc. Enda nemu kati kita di US dia tang ditu, a declared manifestations ( kira sebulan semua sindikit pekerja ngantung notis pasal tu di tempat sida ia gawa) baka nya, nadai di putung gaji. Enti nya seminggu mogok, seminggu ga gaji agi bejalai baka selama.
Ditu nadai urang ka neju diri di'perinsa', makin perintah nya keran ati, makin rakyat nya ngering ke diri ka ngetan hak sida ia. Ari nya, ditu social security agi bedau. Mansang berubat ngagai lutur nadai ibuh meli insurans! Maaf, tu cunto manah endar pasal equality ke rakyat nadai milih ia kaya tauka miskin. Siti agi udah disebut tadi, gaji ari mogok agi dibayar. Even the right wing agi ngetan ke sistem tu berapa kali udah beganti parti tiap kali udah bepilih. Sida ia pan enggai rugi !
Pandangan siku2 kitai pasal tu endang enda sebaka, nya meh ka aku, semadi kira ke udah sebulu sejalai enggau urang ditu baru ulih nyepi/experience semua tu. Ari kemari Sarkozy belabuh madah, mai semua sindikit pekerja ke mogok ensanus betemu enggau ia minggu nyin ila. Enti bala sindikit enda puas ati mogok baru ga ujung bulan 2 ila. No hostiliy just negociating, 'cos ia nemu the next election his job is compromise.
Ehh aku nyau nyangkai kitak ke berandau..sigi balat amat ekonomi diatu..din dia aku ninga bala sebana..baik ga enti either laki or bini kena buai..enti both kena bukai keja apuu nama penyadi anak..baru udah ninga bala ba kch din nyadi baka tuk..aku alu irau ke nama utai dempa anak sida ya??
ReplyDeleteEnti ba menua Australia ditu nadai entu aku ninga kumplin..not a big deal munyi ko aussie laban org ditu sigi ENDA KEJA!! sigi ngarap ke govt aja mantu sida..lain amat ga mentality..
Kira ke enda irau ke orang Mogok ditu laban rindu agi sida ya enda keja..nyelai nehh
hehehe sayau kitai tu jauh ari pangan enti enda ka nuyau kupi, teh kini, milo kini barang ia dia!
ReplyDeleteandan ari miri, cath ari canada, puteri ari galt enggau nuan ari perth, rindu endar berandau enggau kita. sama mansut ke penemu diri, nadai salah ukai kitai bedebat ba tv ngari ke parti pulitik, ma pasal penatai pemisi kitai endang sama irau ati. What does the future holds for us? For the next generations to come?
No big deal ka urang aussie. Maybe they are right?? Ni nemu kekadang bala analysist tu kelalu melampau, nyangka ari ka gutur meda panas datai baru! Tang kitai anang enda selalu awas2, selalu ngadang enggai ke pala ditinggang punggu, ka urang tuai.
Enda heran lah kita ba France. Mogok agi meh gaji bejalai.
ReplyDeleteDitu ka ko aku, nadi guna mogok, ma udah kena ketu kerja, benefits dikurang etc. Ba California ditu, state government kira ka nadai agi duit ... spend more than your revenues ... nama pengujung. Ka pen enda sekeda kena ketu kerja. Bisi meh sida union, tang enti udah perintah kira ka bankrupt, kati ko ngansak for more benefits?
Unemployment benefits bisi ga lah for those kena buai kerja .. tang bisi conditions ... must have worked for a certain amount of time before you can qualify, and bisi maximum number of months nuan ulih collect unemployment benefits.
Hakai dai Lyn.....
ReplyDeletesama meh.... sama kena tempias kitai.
hehehe bisi lelengau ke paku kubuk pia....
May God Bless you and Family!
Puteri,
ReplyDeleteNya ati kitai ka heran. Udah nemu maya economy recession baka tu, perintah majak baka ke padah aku dulu ari nya, deka muka nuclear power plants ke besai agi. Uji anang guai dulu. Nya baka ke nundi rakyat, ngasuh urang pedis agi ati. Nadai budget ka jaku, tang udah nya bebelanja masau duit kena ngaga utai ke enda penting iga. Bala pengemis, jobless people makin mayuh, nadai budget kena mantu sida tu. Enda berapo endar !
Nya meh Obien...kati ka enggau...
ReplyDeleteau nemu tetengguk ke paku, daun ubi, daun ensabi, upa, kulat, midin..apuuuu
Ka pan enda, makai ga carrot, brocoli, cabbage, ubi gentang...bc beras, beras A1 ari Thailand ! idup seput....hehehe