Tuesday, January 13, 2009

Paris - Singapore & vice-versa.

Pama ga ngenat ke pengelama dalam bilun ari menua tu ke Singapore, 13 tauka 14 jam. Enggau pengelaju dibai angin. Enti angin nerajak kira 14 jam terebai di langit din, tang enti angin niup ari kemudi 13 jam aja, tumu ga datai.

Alai ke singah di Singapore ketegal ke ngena bilun Air France. Enti ngena MAS baru ulih sangkai di KL. Sayau bilun AF nadai agi ke Kuala Lumpur. Datai di Singapore mesti bemalam laban maya AF terengkah, kira pukul 6.30 lemai bilun MAS ke penudi sari nya benung sedia ka ngangkat ke diri ke Kuching. Beselisih meh seduai tu. Hotel endur bemalam endang udah di booking dulu, semina nganti teksi mai ke hotel aja. Pama ga ngenat ke diri udah udu lelak 'bejaga' diguyat bilun laban ari ke jai. Ari siti bilun ke Kuching angkat pukul 1.30 pm.

Mansang ari Paris ke S'pore penuduk kami menyanak enda meruan laban ketegal ke ngena tikit 'standby'. Jadi enda berimbai penuduk kami sebuat ba kelas ekonomi. Tang nasib agi bisi penuduk dalam bilun AF lemai 20hb Dec. nya.

Pemulai ari KCH ke S'pore mujur ga. Nadai mayuh penumpang, puang amat bilun pagi 1hb Jan. 2009...agi belala rami bala kaban, wai. Engka sekeda enda sempat dani tumu, nyu tinggal bilun kini ?!

Datai di S'pore, baka selama ga, nadai apa nama. Enda lama nganti barang, lalu ulih pansut nadai ditagang kastam ba mua pintu keluar. Tang lama endar ga nganti bilun kena mulai ke diri ke Paris. Bording time pukul 11.30 malam, kami datai di S'pore baru pukul 12.00 tengahari ! Sari enggai nganti nadai pengawa, mata ngantuk laban ke bekau rami 31, nyambut Taun Baru. Ka pansut ke negeri S'pore lembau ga, kelalu lelak.

Check-in kaunter ke Paris tebuka pukul 6.30 lemai. Sekali tu ngena reserved tikit kami menyanak, enggai ke tepagang enda ulih pulai. Nyu semak jam 10.00 malam baru masuk ke bording lounge. Datai din, indu hostess siku madah ke lumur penuduk kami menyanak udah betukar. Bedebar jantung ati, kesal enda nemu kebuah lumur nya ditukar. Hostess nya madah baru, endur penuduk kami 3 ba Business Class. Wahhhh..yahoooo !!! Naka pengaga ati...ni enda gaga, luas endur duduk, tau jadi katil, gali telentang !! Utai pakai baka service 1st Class hotel, ngirup ai wine enggau champagne and fresh fruit juice for the kids.
Bonne Année...ka pramugari peranchis siku bebuk blond, sama peninggi kami duai. A vous aussi, saut kami menyanak ; To you too et MERCI !

Kebuah kami ditukar penuduk ketegal ba kelas ekonomi penuh, lebih 30 iku standby passengers malam nya. Jadi kami 3 menyanak menang undi kini, nya ke bulih penuduk ba Business class. Anyway, it was a memorable New Year gift of all !!

Image Hosted by ImageShack.us
Ba Terminal 2 mansang ke mupuk ke KCH.

Image Hosted by ImageShack.us
Ba bording hall mansang ke KCH.

Image Hosted by ImageShack.us
Same as above.

Image Hosted by ImageShack.us
Makai ba food bazaar di airport Changi lemai nganti bilun S'pore - Paris.

Image Hosted by ImageShack.us
Besai amat mee dalam wantan soup tu.

Image Hosted by ImageShack.us
ehemm...S'pore chicken rice. Bisi kumin kita ?

Image Hosted by ImageShack.us
Bording lounge to AF257. Ditu meh alai hostess nya ke madah ke kami entitle to business class.

Image Hosted by ImageShack.us
aha...the business class seat transformed to 'couchette', small bed.

Image Hosted by ImageShack.us
Nyamai amat meda TV gali, asai ke diau dalam rumah.

14 comments:

  1. Jeles endar aku, duduk ba Biz class! Nyenguk Biz class international flights pen enda kala! Enti naka first class seat ari Miri ka KL or KL to Miri, nya kala. Nadai meh baka biz class international flights neh!

    Nyamai gamal utai dempa ba Changi airport! Lama dah enda nengah Changi. More convenient for us to go thru KL.

    ReplyDelete
  2. Hi Lyana, lawwa amat kitak pulai ngena bussines class. Amat menang ticketbertuah neh. Tetenguk meda nasi ayam nya yum yum.

    ReplyDelete
  3. Puteri,

    hehehe ketiga kali kami menyanak udah duduk ba biz class..baka main loto sida enggau kami tu !!

    Udah masuk ngagai departure lounge baru ulih ngagai Food bazaar endur makai nya. Kenyang perut makai ditu, mayuh coice ga.

    ReplyDelete
  4. Cath,

    Asai VIP diau ba biz class. makai ngena real fork and spoon, ukai plastik...tang bisi penyinu ati ga ke bala bukai bepadat ba ekonomi kelas din, merinsa tinduk duduk...akai dai.

    Nyamai, sedap nasi ayam...original ga, SCR deh !!

    ReplyDelete
  5. Hi Lyana....mansa ruai nuan duluk...rindu mai ku maca blog nuan...ulih tukar link tua?

    ReplyDelete
  6. Bonjour IbanLady !

    Au, aku add enggi nuan ga!
    Selamat bekelala, lagi aku ngabas blog nuan.

    cheers!

    ReplyDelete
  7. manah endar ga nasib pemulai kita menyanak tu tadi ney wai...ukai sebut enda lantang agi2 meh nya ..
    diriempu semina sekali aja udah ngasai ngena biz class maya dianjung org course ke Perth taun 2004 suba.enti nambang kediriempu nadai jalai asai tu...

    baru aku perasan ,salah meh cara aku response Bonne Annee nn ari nya ney..hehe..parai enda nemu jaku france tu ....

    ReplyDelete
  8. nyaaaaaaaaa amat lawa sida manak ia pulai ke paris kin neh duduk ba biz class. Keni enda asai nehhhh asai ka nyadi queen pelaba aku hehehe. Enda berasai nyu data pelaba aku taja pan jauh. Ti ba eco class sigi tak kasak2 duduk ngiga posisi ke nyamai agi.

    nama brita wai? aku tu agi gagau diatu gagau ngadu ke stor nya meh kamah amat bilek

    ReplyDelete
  9. ibankiih - For a long distant flight baka tu amat 'thank God' endar di beri peluang ba biz. class. enda ibuh iga ke pemanah pemakai nya, asal selesa diau lalu enjoying the journey. Relaxxxxx !!!

    Eh,nadai hal salah jaku nya, kapa nya...asal nemu utai ka pangan. manuk enggau itit deh tau begulai ! hehehehe :))))

    ReplyDelete
  10. wai andan,

    Amat lawa asai duduk ba biz. class nya...selesa. Jadi Queen Senyonyong ari menua BongKonKong !!!

    Gerai magang ditu, semina ngenat ke celap aja. Lama ga nadai berita ari nuan. Dini rumah kita di Miri ? Meri aku add. ba e-mail auk .

    ReplyDelete
  11. Berbaloi amai nuan mayar murah tang alu duduk ba 1st class. Kira ke kena 4d meh nya wai... Stidi asi ayam nya, enti ka stidi agi try la ba Hainan Street Chicken Rice ba RH Plaza BDC enti naun bisi pulai baru ke swk...

    ReplyDelete
  12. Enda kala kena 4D, tang pengaga ati duduk ba biz class asai ke menang tikit 4D meh !!

    Auk, ila kia makai ba Hainan Street
    Chicken Rice ba BDC nya. Kala aku ninga urang madah penyamai chicken rice ditu. Datai baru...coba try. Nuan ka enggau ??!

    ReplyDelete
  13. Lama amat nepan biz class long haul!!!! Akaiiiii jeles aku ninga. Hehe. Aku agi bedau ulih upgrade, agi ngumpul airmiles. :P

    Aku enda berani standby, Lyana. Laban ka nadai mayoh cuti, mesti ka confirm belama. :(

    ReplyDelete
  14. Enti ulih anang sekali2 ngena standby tikit kelebih agi udah bisi anak ari menua jauh. Enggi kami sebuat Top Priority ari standby bukai, lawa munyi nyebut eh... Tang enti nadai endur duduk agi dlm bulun din, Top Priority kini kati pan, sama enggau urang mayuh nya meh kena reject mega!

    ReplyDelete